Baionako Herri Jaiak

Baionan gaur egun udan ospatzen dira. Lau eguneko iraupena dute, asteazken arratsaldean hasi eta igande gauean bukatzeko. 1932. urtetik, San Fermineko festen kopia izatera datoz. Ehun mila pertsona inguru biltzen dituzte, Frantzia osotik datozenak. Urtaro honetan Lapurdiko itsasertza udatiarrez beteta dagoenez, zaila da esatea festetara baino etortzen ez diren kanpotarren kopurua. Gaueko berbenei buruz ez dugu aipamenik egingo, ezta egunean zehar ematen diren musika talde, txistulari, trikitilari eta goizero diana jotzen duten gaitajoleei buruz ezta ere. Tabernen arrakastari buruz ere ez dugu ezer esango izugarria da dagoen giro ona eta parranda. Mozkorra aseguratua da bazoazen. Honez gain, zezenak eta karroza desfilea egongo dira gustoko dituzuenentzako.

Iruñako Sanferminak

Gauza da Iruñako hiria biderkatu egiten dela jaietan, lana gelditu egiten da neurri handi batean, batzuk jai egun batzutaz gozatu ondoren oporretara joaten dira (Frantziako Tourrera), baina, gehienak, batez ere gazteak eta hain gazteak ez direnak ere bai, ahalik eta gehien disfrutatzeko prestatzen dute euren burua. Jaiei uztailaren 6an eguerdiko 12etan ematen zaie hasiera jendez gainezka dagoen Udaletxeko enprarantzan; eta hasiera-unea, berriz, suziria jaurtikitzeko ohorea duenak, "¡Plamploneses, Pamplonesas, viva San Fermin, gora San Fermin!" oihukatzen duena da. Eta suziriari sua ematen dionean jaia piztu egiten da. Uztailaren 7a da San Fermin eguna. Kalean mota guztietako jai giroak aurki daitezke. Haurrek egunero disfrutatzen dute beren Erraldoien konpartsarekin, kilikiekin eta zaldikoekin atzetik jarraitzen dietelarik beren makilekin harrapatu nahiean. Zezenplazan ere beren jaialdiak izaten dituzte goizero, dantzaldiak arratsaldeetan, iluntzean zezensuzkoa ta txosnak edo zaldiko-maldikoak ferialen egun osoan eta iluntzean. Gazteak dira, ordea, jaietako pribilegiatuak eta saltsa guztietan eskuhartzen dute edo "txosna politikoak" bezala ezagutzen den tokira erretiratzen dira ogitartekoren bat jan, garagardo katxi batzuk edo kalimotxo batzuk edatera, musika tope entzuten duten bitartean. Helduek ere, patxada handiagoz, aukera ugari dituzte: jai egitarauko ekintzak jarraitu, pasiatu, begiratu, zezenak ikusi, bazkaldu ta afaldu, su artifizialak ikusi, salsa, merengea eta tokatzen dena dantzatzea.